"Tu cala-te siás pas d'aquí !"

Vos vòli parlar d'espòrt : lo rugbí de XIII. Aquò's un espòrt qu'es pas tant mediatizat en Occitània coma dins los paises anglo-saxons. Lo rugbí de XIII arribèt en França en 1934 amb Joan Galia. Se desvolopèt lèu-lèu. Dejós Vichi, lo tretze foguèt enebit per lo ministèri de l'espòrt, sus òrdre de Josef Pascòt, jogaire de rugbí de XV gelós del succès del XIII.

Apuòi la guèrra malgrat «l'ordonnance d'Alger» l'espòrt retrobèt pas sos bens confiscats. En julh 1948 la republica francesa (jos la quichada de la ffr15) enebiguèt lo nom de rugbí de XIII al profièch de «jòc de 13» (nom abandonat en 1993 apuòi demanda davant la justícia). Foguèt sentit coma una umiliacion. La meteissa annada, la còla de catalonha (los jacobins èran pas content) ganhèt l'Australia (referéncia mondiala).

Las annadas 50 foguèron la glòria del XIII de França amb un títol de campion del monde. Merce a Robert Aubert Puig (d'escais Puig-Aubert o encara Pipette ) lo pus grand jogaire (XIII e XV) de tot temps. A lor retorn d'Australia foguèron aculhit per una fola de 100 000 personas a Marselha.

Mas, malgrat una finala en copa de mond en 1968, la popularitat del XIII en Franca descreis doçament. En 1995 Jaume Fauroux creèt una competicion regionala « France rugby league». En 1996 lo PSGXIII dintrèt dins la «super league» (campionat anglés), per ne sortir en 1997.

Cal esperar 2006 e la dintrada dels dragons catalans en super league per ausir parlar de XIII. Podèm tre ara faire un bilanç : finala de la copa d' Angleterra en 2007, play-off en campionat aqueste an.

Tot aquò per dire qu'en aquel moment i a la copa del mond en Australia, los francés son ja eliminat . Los australians son grand favorit e an ja fach de polidas demontracions.

Lo còp passat èri sus internet, enfin mai presisament sus MSN e charravi en occitan amb una amiga. E me diguèri (e òc de còps que i a sosqui) que totas las abreviacions d'internet qu'emplegam son en francés... Alara me siái penjat sus la question e veicí qualques exemples de reviradas :

MRD (per « mort de rire ») : PDR (per Petar De Rire) o CDR (Crebar De Rire)
LOL (per sai pas mai qué en anglés) : ESA (per escacalassa). Plan, per lo LOL es universel cresi, donc lo podèm emplegar en Oc.

Dins un autre cas, per adieussejar :

SLT (per « salut ») : ADU (per AdieU)
LUT (per “salut”) : IU (per adIeU)
RE (per « re-salut ») : TR (per ToRna adieu)
BJR (per (« Bonjour ») : AST (per AdieuSsiaTz)

Plan ara, per insultar (e òc lo cal far tanben, èime sensible arrestar la lectura aquí) :

TDC (per « tr..p du c.l », e òc ai vergonha d'o dire) : TNI (per TafaNarI o TabaNarI)
Boulet (per « boulet », se vei sustot dins las emoticonas) : Pesuc, o CLH (per CoLHon)

Es un vertadièr trabalh de recèrca, pdr. Es una galejada, pels clh que l'avián pas compresa.

Cresi qu'es un pauc tot. Sai qu'es un article que servís pas de grand causa mas bon aviái de temps de perdre.

Benlèu la qualitat mai granda dels «rockers» es lor lirisme. Non, galegi pas. Aqueles òmes quand ven lo moment de faire una passejada, un slow, an la capacitat de faire de cançons bèlas. Aital, pòdi citar «Nothing else matter» de Metallica, o encara «still loving you» de Scorpion, «Planet caravane» de Pantera...

Donc, l'idèa del jorn es de vos lo provar amb una revirada de la passejada de Ill Nino «With You». Un pauc d'indulgéncia l'ai facha de l'anglés a l'occitan...

Amb Tu  /  With You

I a qui quicòm dins tas manièras
Que me baila l'enveja de demorar aquí per 1000 ans
Alara plora tas lagremas,
Te cerqui cada jorn
En tu, sonque vòli escampar tas paurs al luònh
Alara plora tas lagremas.

Desiri èsser amb tu.

[repic]

Se demòri tas lagremas te rendràn libre,
Se demòri aquí e per totjorn amb tu.
Tot çò que senti per tu
Es tot perque vòli demorar amb tu.
Se demòri aquí e per totjorn amb tu.

Mos uòlhs
Mos uòlhs

Es çò que m'escrifa, volriái èsser amb tu
Te sentir tornamai
Quand me senti coma tròp luònh
Alara ensajarai de me recordar de tu e de tot çò que me sosveni

Desiri èsser en tu.

[repic]

Vos la recomandi, es polideta

Es la mai gròssa sortida del mes, benlèu de l'anada...òc arrapatz-vos a vòstre setador o burèu o çò que voletz : rotlament de tambors... lo novèl album de TRIVIUM es arribat !!!

SHOGUN

Las cançons :

1. Kirisute Gomen

2. Torn Between Scylla And Charybdis

3. Down From The Sky
   
   

   Découvrez Trivium!

4. Insurrection

5. Into The Mouth Of Hell We March

6. Throes Of Perdition

7. He Who Spawned the Furies

8. Of Prometheus And The Crucifix

9. The Calamity

10. Like Callisto To A Star In Heaven

11. Shogun

12. Poison, The Knife Or The Noose*

13. Upon The Shores*

14. Iron Maden*

Plan per parlar d'aquel album.

Dos moviments :

-Un retorn sus las basas dins lo "line-up" musical. Es un album mai violent, mai que lo darrièr òpus (The Crusade). Lo vòtz gròssa de "metalos" es presenta d'en pertot, dins cada cançon.
Los dos "gratós" nos fan tornamai una vertadièra demonstracion de guitarra. Aquel album baila l'impression que lo grop afortís sa volontat de faire de "metalcore", e que plaça entre parentèsis The crusade, fòrça mai melodic e mens agressiu.

-De novetat tanben, dins lo fach que las sonoritats dels solos son diferentas. Es pas aisit d'explicar, mas quand ausissetz los "riffes" vos disètz "aquò sona pas coma del Trivium !"
E sustot, pensi que las fasas entre moment melodic (fòrça plan fach) e moment violents son mai marcada. De còp que i a los "breakes" desgatjan una poténcia, la melodia s'arrèsta per rendre un son de "heavy metal", o de "hardcore". A costat d'aquò, trapatz de moment armonioses, amb de melodia bela. Lo tot joslinhat per la dobla votz del cantaire (votz metal, votz normala).

aquí lo siti official.

Adieussiatz monde, vòstre blogaire favorit tòrna (galejada !!!)

Te ! En parlant de galejada, ne vos vau conta una :

Un tipe sul planastèl del Larzac se sarrava d'una lavanha per beure un còp. Alara, un pastre del país que passava per aquí li diguèt : «Òu, malerós ! embuga pas aquela aiga que las fedas an cagada dedins».
L'autre se virèt e i respondèt en francimand ponchut : «Eh je comprends rien à ton patois de paysan ?!»;
Lo brave roergat i tornèt : «Je disais simplement : buvez doucement car l'eau est fraîche.»

Adieusssiatz monde,

Sabètz qu'un blòg es un endrech privilegiat per faire de publicitat per sas autras activitats sul oèb. Uòi vos buti la video qu'ai facha e qu'ai mandada sul Youtube (cossí en occitan ? Iotube, aquò's estranh...).

Segur, es simple coma una escala doble, aquela video. L'ai facha amb lo Windows Movie Maker, donc esperetz pas quicòm que «kill tot emai la mòrt». Mas bon es mai agachada qu'o auriái poscut imaginar, donc siái content de mon trabalh.

Pel moment quand picatz «se canta occitan», dins lo camp de recerca de Iotube, es la primièra qu'apareis (a la debuta èra la darrièra de la pagina). La tòca es que siá la primièra quand picaretz «se canta» unencament. Donc sabetz çò qu'avètz de far : agachar, e dire a vòstres amics d'agachar tanben. ;).

Perqué dèu començar un blòg, se non per la justificacion del projècte d'escritura.
Lo projècte es aisit : charrar de causas e d'autras, de tot e de res. Escrivi pas perque pensi que ma vida es mai interessanta que la del demai de l'umanitat. Non, segur, aquí traparetz pas lo retrach, jorn apuòi jorn, minutas apuòi minutas, de mon existéncia coma es costuma de trapar suls blòges del tot internet.

Mas benlèu que la tòca es pas de faire un blòg en lenga nòstra, que la sola rason d'escritura i seriá lo militantisme. Çò que repròchi als blòges en occitan es que la causida de la lenga es percebuda coma lo primièr acte d'engatjament. Ieu, lo vòli coma se aquela lenga se foguèsse impausada a ieu coma una evidéncia, sens aver a me justificar de l'emplec d'un idiòme minorizat. Fin finala, vòli tòrnar al parlat dels trobadors son emplec lo mai corrent. Faire un blòg coma un jove del sègle XXI lo fariá.

M'entrachi de las doas paradòxas que lèva mon introduccion. Cal esperar que l'avenidor bailarà una responsa mai clara.