Avant prepaus
Perqué dèu començar un blòg, se non per la justificacion del projècte d'escritura.
Lo projècte es aisit : charrar de causas e d'autras, de tot e de res. Escrivi pas perque pensi que ma vida es mai interessanta que la del demai de l'umanitat. Non, segur, aquí traparetz pas lo retrach, jorn apuòi jorn, minutas apuòi minutas, de mon existéncia coma es costuma de trapar suls blòges del tot internet.
Mas benlèu que la tòca es pas de faire un blòg en lenga nòstra, que la sola rason d'escritura i seriá lo militantisme. Çò que repròchi als blòges en occitan es que la causida de la lenga es percebuda coma lo primièr acte d'engatjament. Ieu, lo vòli coma se aquela lenga se foguèsse impausada a ieu coma una evidéncia, sens aver a me justificar de l'emplec d'un idiòme minorizat. Fin finala, vòli tòrnar al parlat dels trobadors son emplec lo mai corrent. Faire un blòg coma un jove del sègle XXI lo fariá.
M'entrachi de las doas paradòxas que lèva mon introduccion. Cal esperar que l'avenidor bailarà una responsa mai clara.
digg it
del.icio.us
Adiussiatz monde, e benvengut sul blòg del Focran.
Adiu,
trobe pas que quo es s'entraupar dins un paradox badacuaol que far un joèb occitan, o b'etot ne'n occitan.
Te balhe 'na explicacion (a 6.55957 €) sus 'n'autre subjet : sei gai, qu'es coma quò es ne vòle ren chamjar.
Quant ieu fau un bilhet sus los gais ne'n occitan, fau pas forçament un bilhet "militant" per 'na causa l'autra. Fau un bilhet perqué lo vòle, coma quò.
Parlar daus gais es militant per "esença", parlar dins un idiòme minorizat es per "esença" un acte militant, coma aprèner l'esperantò es militant.
Chosir de parlar de chausas e d'autras sus lo oèb, fòra quauque skyblog es militant.
Fin finala e per 'chabar 'quí : benvengu e espère tornar te legir.
jp la rapieta | 2008-09-26 - 10:11:48 GMT 1 #
Avia 'na motivacion plan prionda quand ai començat mon blòg : ieu maitot volia escriure de las conarias sus Internet ('laidonc, mon blòg se 'pela "ieu maitot") !! Perque en occitan ? Perque lo Gaston Coffa me fai mai rire en òc que non pas en frances...
pasha | 2008-10-22 - 10:14:56 GMT 1 #